Old admin building sang Passi Nat’l High School, nasunog; P1.2- million, ginabanta nga kahalitan

By: JoMaque | Marso 9, 2020

Passi City – Nasunog ang old administration building sang Passi National High School sa Passi City mga las-11:35 kagab-i, Marso 8.

Suno kay Fire Senior Inspector Jesus Valenzuela sang Bureau of Fire Protection – Passi City, wala sang tawo ang building sang nasunog kag nakit-an lang ini sang naga-roving nga security guard.

Gina-imbestigaran sang BFP ang electrical system sang building nga posible ginhalinan sang kalayo.

Ginabanta P1.2- million ang kahalitan sang sunog.

Kalabanan nga nasunog ang mga dokumento kag computer sets.

Wala naman sang may napilasan sa insidente.

Las-3:05 na kaina sang kaagahon sang napalong sang mga bombero ang kalayo.