By: JoMaque | Marso 9, 2020

Iloilo — Nadakpan sa Barangay Agta, Leon ang 40-anyos nga lalaki nga nagpalagyo sa opisina sang CIDG field unit sa Mandurriao sang Marso 6 sang gab-i.

Ginkilala ang nadakpan kay Aldren Balintong sang Brgy. Cadagmayan Norte, Sta. Barbara nga may kaso nga rape.

Suno kay Police Captain Felix Perez, OIC sang Leon Police Station, may nagpahibalo sa ila opisina nga nagatenir si Balintong sa balay sang iya bayaw sa Brgy. Agta.

Nagsakay sa jeep nga pakadto sa Leon si Balintong kag nagdiretso sa balay sang iya bayaw nga si Teresita Cabanero.

Sa panaysayon ni Balintong kay Major James Allen Dogao sang CIDG, nagpalagyo siya bangud mabug-at ang kaso kag nahadlok na siya nga magbalik sa presuhan.

Suno naman sa ugangan ni Balintong nga si Dolores Canto, nagpahibalo sa iya si Teresita nga yara sa ila balay si Balintong kahapon, Sabado.

Ginkadtuan nila si Balintong sa Brgy Agta kag gilayon man nga nagpauli.

Ginpahayag ni Canto nga wala siya nakahibalo kun ano ang kaso sang iya umagad.

Gintinguhaan sang Aksyon Radyo nga ma-interview si Balintong apang nagpamalibad.