Summer Arts, Paraw Regatta Festival, gin-postpone bangud sa pamahog sang COVID-19

By: JoMaque | Marso 9, 2020

Iloilo City — Liwat nga gin-postpone ni Mayor Jerry Treñas ang Paraw Regatta Festival kag Summer Arts Festival sa Abril subong nga tuig.

Kasunod ini sang pamahog sang coronavirus disease sa diin napulo na ang nagpositibo sa virus.

Sa text message sang alkalde sa mga katapo sang media, ginpahibalo niya nga sayluhon sa Oktubre ang Summer Arts Festival samtang masapol naman siya sa mga organizers sang Paraw Festival agud diskusyunan naman ang petsa sang amo nga kahiwatan.

Ma-istorya man si Treñas sa mga school authorities para sa scheduled baccalaureate masses and graduation ceremonies.