Paghiwat sang moving up ceremonies kag graduation rites halin Kindergarten tubtob Senior High School sa probinsya sang Iloilo, ginpostpone bilang precaution sa COVID-19

By: Aine Grace Bravo | via Angel Mae Ciudad

ILOILO, March 12, 2020 — Gin-postpone sang DepEd Iloilo Province ang paghiwat sang moving-up ceremonies kag graduation rites, halin Kindergarten tubtob Senior High School sa tanan nga eskwelahan, private man ukon public, suno kay Mr. Leonel Salvilla, Division Information Officer sang DepEd Iloilo Province.

Mahimo nga makahiwat sang awarding ceremony para sa mga estudyante nga may mga award kag sa paghatag sang diploma, apang sa sulod lang sang classroom kag dapat sundon ang precautionary measures.

Una na nag-issue sang executive order si Iloilo Governor Arthur Defensor Jr. nga nagapa-suspend sa mga public events nga may madamo nga attendees sa sulod sang 45 ka adlaw kag nalakip diri ang graduation kag moving-up ceremonies.