Iloilo City Lone District Representative Julienne Baronda, nag-self quarantine bangud sa COVID-19

By: JoMaque | Marso 13, 2020

Iloilo City — Naga-idalum sa self-quarantine si Iloilo City Lone District Representative Julienne Baronda.

Sa iya Facebook post, ginpa-athag sang kongresista nga nakigsapol siya Secretary Wendel Avisado sang Department of Budget and Management, samtang may exposure siya kay Transportation Secretary Arthur Tugade sang Marso 10, sang nangin resource person ang tiglikum sa meeting sa House Committee on Transportation.

Ang duha ka tiglikum ang una na nagpa-idalum sa self-quarantine bangud na-expose sa indibidwal nga nagpositibo sang ulihi sa COVID-19.

Ginlaygayan ni Baronda ang publiko nga pabakuron ang ikaayong lawas paagi sa pag-inom sang vitamins, pag-exercise kag pag-obserbar sang sanitary protocols agud makalikaw sa virus.