Lalaki nga naka-agi preso bangud sa kaso may kaangtanan sa illegal drugs, patay sang gintiro sang riding-in-tandem sa Jaro; Nagabaligya sang isda, nasalabat

By: JoMaque | Marso 14, 2020

ILOILO CITY – Patay ang lalaki nga gintiro sang riding-in-tandem sa Barangay San Isidro, Jaro subong nga gab-i.

Ginkilala ang biktima kay Eljun Ledesma, 47 anyos.

Ginkumpirmar ni Margie Pundiveda, bilas ni Ledesma nga napatay ang biktima bangud sang duha ka igo sang bala sa likod.

Padayon naman nga ginabulong sa ospital si Prince Jonard Macahilo, nagabaligya sang isda nga nasalabat sa pagpangtiro. May igo si Macahilo sa tuo nga tiil suno sa iya lolo nga si Leonardo.

Suno kay San Isidro Punong Barangay Felix Dureza, ginsugid sang asawa ni Ledesma nga bag-o lang guwa sa presuhan ang biktima.

Hulyo 2019 suno sa Jaro police sang nakaguwa sa presuhan sa Nanga, Pototan si Ledesma nga may kaso may kaangtanan sa illegal drugs.

Gina-imbestigaran sang Jaro police ang motibo sa krimen.