Manggahan Festival 2020, ginkanselar sang Guimaras Provincial Government

By: Aine Grace Bravo | via Province of Guimaras

GUIMARAS, March 14, 2020 — Ginkanselar sang Provincial Government ang Manggahan Festival subong nga tuig.

Ini bilang kabahin sang precautionary measures sang probinsya agud maproteheran ang mga pumuluyo sang isla sa COVID-19.

Base sa announcement nga gin-post sang Guimaras Provincial Government sa ila Facebook page, ila ginpahibalo nga top priority sa subong ang ikaayong lawas sang publiko.

Ginlaygayan man ang mga pumuluyo nga i-practice ang ginapatuman nga measures sang Department of Health agud mangin safe kag healthy sa tunga sang padayon nga pagdamo sang kaso sang COVID-19.

Natalana kuntani ang Manggahan Festival 2020 sa Mayo 9 tubtob Mayo 24.