Barangay kagawad sa Molo, nagpatapik sang sulat sa iya tiyangge nga nagadumili sa mga medical personnel sang The Medical City sa pagbakal ; Labing una nga pasyente nga may COVID -19 sa Iloilo, na-admit sa TMC-Iloilo

By: Khenjo Terco | Via Aksyon Radyo Iloilo

Iloilo City – Nagpatapik sang sulat ang barangay kagawad sang Tap-oc, Molo sa guwa sang iya tiyangge nga nagadumili sa mga medical personnel sang The Medical City – Iloilo sa pagbakal.

Suno kay Kagawad Nestor Belleza, nagakabalaka siya nga magbalatian ang duha ka mga tigulang nga kaupod niya sa balay rason nga gin-post niya ang mensahe.

Dugang niya, naka-agi naman siya stroke rason nga prone man sa balatian.

Nanindugan naman si Belleza nga wala siya naga-discriminate sa mga medical personnel sang TMC-Iloilo.

Ginmanduan ni Punong Barangay Jay Bayotas ang kagawad nga kuhaon ang iya ginpatapik nga sulat. Padayon nga ginabulong sa TMC-Iloilo ang 65-anyos nga retired seafarer nga na-record nga labing una nga kaso sang COVID-19 sa Iloilo.