Mga LGUs, tubtub lang sa Abril 3 makasumiter sa DSWD sang listahan sang mga beneficiaries sa Social Amelioration Program (SAP)

By: JoMaque | Abril 1, 2020

Iloilo City — Tubtob lang sa Abril 3 mahimo makasumiter ang mga Local Government Units sa Department of Social Welfare and Development sang listahan sang mga beneficiaries sa Social Amelioration Program.

Ang amo nga programa ang kabahin sang Bayanihan To Heal As One Act agud makahatag subsidy sa mga naapektuhan sang COVID-19 threat.
Base sa DILG Memo Circular 2020-065, dapat i-identify sang LGU ang mga beneficiaries base man sa Joint Memorandum Circular 1 sang DILG, DSWD, DBM, DTI, DA, DOLE, kag DOF.

Dapat isumiter sang LGU ang masterlist sa regional ukon field office sang DSWD tubtob sa Abril 3.

Magluwas sa mga pumuluyo sa lugar, mahimo man malista nga beneficiaries ang mga indibidwal nga na-stranded bangud sang community quarantine apang dapat qualified sila base man sa JMC 1.

Base sa JMC 1 ang mga target beneficiaries amo ang mga pigado ukon kabahin sang informal sector nga nadulaan sang trabaho bangud sang community quarantine kag mahimo may indi magnubo sa isa nga kabahin sang masunod nga mga sektor:
1.) Senior Citizens
2.) Persons with Disabilities
3.) Nagabusong ukon nagapadidi
4.) Solo parents
5.)Overseas Filipino in Distress ( mga Overseas Workers nga nagpauli ukon indi makabyahe sa iban nga pungsod bangud sang COVID-19 halin sang Enero tubtob i-lift ang community quarantine)
6.) Indigent Indigenous Peoples
7.) Underprivileged Sector kag homeless citizens
8.) Informal Economy Worker

Ang mga masunod ang makabig Informal Economy Worker:
a. Directly hired or occasional workers
b. Subcontracted workers
c. Homeworkers
d. Househelpers
e. Mga driver sang pedicab, tricycle, PUJs, UVs, PUBs, taxi, ukon Transport Network Vehicle Service kag Transport Network Companies
f. Micro entrepreneurs and producers, operators sang sari-sari stores
g. Family enterprise owners
h. Sub-minimum wage earners
i. Farmers, fisherfolks, ukon farm workers
j. Mga empleyado nga naapektuhan sang ‘no work, no pay policy’ kag indi covered sang DOLE
k. Stranded workers (workers nga apektado sang work suspension/closure apang indi kapauli bangud sang community quarantine.

P5,000 tubtob P8,000 ang mahimo mabaton nga subsidy kada bulan depende sa Regional Minimum Wage sa lugar.
Mahimo makabaton sang assistance sa sulod sang duha ka bulan.
Food kag non-food items man ang i-distribute nga asistance.