Iloilo kag Guimaras, may bastante nga supply sang bugas sa sulod sang 155 ka adlaw –NFA

By: Aine Grace Bravo | via Hotline

ILOILO, April 3, 2020 — May bastante nga bugas ang Iloilo kag Guimaras sa masunod nga 155 ka adlaw ukon halos lima ka bulan.

Ini ang gipasiguro ni National Food Authority Iloilo Provincial Manager Jose Pacificador.

Insaktuhan lang ang supply sang bugas para sa first cropping sa Agosto ukon sa Setyembre, dugang pa ni Pacificador.

Bukas naman ang NFA nga magbaligya sang bugas sa mga LGUS.

Nagpangayo lang sang pasensya si Pacificador sa mga LGUs nga nagabakal sang bugas bangud sang malawig nga pila.

Ginpasalig ni Pacificador nga wala sang baho ang mga bugas nga halin sa ila bangud ginbakal nila ini halin sa mga local farmers kag bag-o lang gingaling.