76, nadugang sa record sang COVID-19 cases sa Pilipinas; 3,094, kabug-usan nga COVID-19 cases sa pungsod

By: Aine Grace Bravo | via DOH

MANILA, April 4, 2020 — Mas dyutay ang nadugang nga COVID-19 cases sa record sang Department of Health subong nga adlaw.

Suno kag Health Undersecretary Maria Rosario Vergeire, 76 ka bag-o nga kaso ang nadugang sa listahan. Bangud sini, nagalab-ut na sa 3,094 ang kumpirmado nga kaso sang COVID-19 sa pungsod.

Nagdamo naman ang nadugang sa mga naka-recover. Lima ang nadugang sa listahan sang mga nag-ayo na ukon may 57 tanan ka naka-recover sa COVID-19.

Samtang, may walo ang dugang nga napatay. 144 na ang death toll sang COVID-19 sa pungsod.