Antique, Guimaras, nagapabilin nga zero case sa COVID-19; Iloilo province, nagapanguna sa may pinakamadamo nga kaso sa sa Western Visayas
By: JoMaque | Abril 4, 2020
Iloilo City – Nagapabilin nga wala sang kaso sang coronavirus disease (COVID-19) sa Antique kag Guimaras sa Western Visayas.
Ini sa pihak sang padayon nga pagsaka sang kaso sang COVID-19 sa rehiyon 6.
Subong nga gab-i, ginkumpirmar sang Department of Health (DOH) 6 nga lima ka bag-o nga kaso sang COVID-19 ang nadugang sa listahan sa rehiyon.
Bangud sini, 30 na ang kaso sa rehiyon.
Nagapanguna ang Iloilo Province nga may 11 ka kaso; pito sa Bacolod City; lima sa Aklan; tag-tatlo sa Capiz kag Iloilo City; kag isa sa Negros Occidental.