Iloilo province, may 11 COVID-19 cases, 77 PUIs, masobra 11,000 PUMs — PHO

By: JoMaque | Abril 4, 2020

Iloilo – Naglab-ut sa 77 ang persons under investigation (PUIs) sa Iloilo Province, base sa record sang Provincial Health Office (PHO) as of Abril 3 las- 12 sa udto.

11,339 naman ang persons under monitoring (PUMs) sa probinsiya. Sa amo nga numero, 10,564 na ang nakatapos sang 14 ka adlaw nga quarantine samtang 625 ang padayon nga gina-monitor.

Sa record nga ginpaguwa sang PHO, pito pa lang ang kaso sang COVID-19 sa probinsiya pero kagab-i, ginkumpirmar sang Department of Health (DOH) 6 nga nadugangan ini sang apat ka mga kaso.

Bangud sini, 11 na ang COVID-19 cases sa probinsiya sang Iloilo nga may duha ka napatay.