Provincial Local Price Coordinating Council, liwat gin-organize ni Iloilo Gov. Arthur Defensor, Jr. agud proteksyunan ang Ilonggo consumers sa tunga sang COVID-19 crisis

By: JoMaque | Abril 7, 2020

ILOILO — Gin-re-organize ni Iloilo Governor Arthur Defensor, Jr. ang Provincial Local Price Coordinating Council sa tuyo nga maproteksunan ang mga Ilonggo batuk sa hoarding, profiteering kag cartels samtang gina-atubang sang COVID-19 crisis.

Nag-isyu ang governador sang Executive Order No. 101 subong nga adlaw agud masiguro nga estable ang presyo kag supply sang nagapanguna nga mga kinahanglanon.

Pamunuan sang gobernador ang Council bilang chairman, samtang ang Department of Trade and Industry provincial director ang vice chairperson.

Miembro sang Council ang Department of Agriculture, Department of Health, Department of Environment and Natural Resources, Department of Transportation, Department of Justice kag National Economic and Development Authority.

May representative man halin sa consumer sector, agricultural producer sector, kag manufacturer sector.