94-anyos nga war veteran sa Miag-ao nga natapikan sang COVID-19, napatay

By: Aine Grace Bravo | via Aljohn Torreta

MIAG-AO, Ilo., April 8, 2020 — Napatay ang 94 anyos nga war veteran nga nagpositibo sa coronavirus disease.

Ginkumpirmar ni Miag-ao Mayor Macario Napulan nga napatay si WV31 kaina sang aga bangud sang cardiac arrest, samtang na-admit sa Western Visayas Medical Center.

Si WV31 ang tumandok sang Miag-ao kag wala sang travel history apang may pneumonia kag history sang diabetes.

Siya ang ikaduha nga kaso sang COVID-19 sa Miag-ao sa record sang DOH 6.

Ang una nga kaso amo ang 22 anyos nga babaye nga estable na ang kondisyon.