3 ka naka-contact kay WV16 sang Lambunao, negatibo sa COVID-19 –Lambunao LGU
By: Khenjo Terco | Via Aksyon Radyo Iloilo
Lambunao ,Iloilo April 9, 2020 (6:54pm) – Negatibo sa COVID-19 ang tatlo ka naka-contact kay Western Visayas 16, ang 70 anyos nga taga-Lambunao nga nagpositibo sa coronavirus kag napatay sang Marso 29.
Sa Facebook post sang Lambunao LGU, nabaton nila subong nga adlaw ang resulta sa tests sang tatlo nga nagakumpirmar nga negatibo sila sa COVID-19.
Nagapasalamat ang LGU sa padayon nga pagpangamuyo sang mga pumuluyo sa madasig nga pag-ayo sang mga COVID-19 patients.
Ang Lambunao, may anum ka kaso sang COVID-19 lakip na ang napatay. Naka-home quarantine naman ang lima nga maayo na ang kondisyon.