Mga nagapa-uwak sa San Juan, Molo, ginapangita sang punong barangay agud makasuhan

By: Aine Grace Bravo | via Jeremae Ventar

ILOILO CITY, April 13, 2020 — Ginapangita ni San Juan, Molo Punong Barangay Sipil Espinosa ang gin-report nga nagpauwak sa ila barangay sang Domingo sang udto, Abril 12. 

Suno kay Espinosa, naabutan sang iya tanod ang mga nagapauwak sa Zone 3 sang ila barangay kag ginsaway. Gilayon man nga nagpalagyo ang mga nagapauwak. 

Ginpahayag sang Punong Barangay nga wala gid nagakulang ang mga barangay officials sa pag abiso sa ila mga residente nga indi mag gwa sa pamalay kag mag-observe sang social distancing apang may nga matig-a gid nga ulo. 

Kun ma-verify na ang mga nagpauwak, plano ni Espinosa nga pasakaan sang kaso.