Lalaki, patay sang nahulog sa sulod sang cargo vessel sa Carles

By: Aine Grace Bravo | via Jerry Medina

CARLES, Ilo., April 14, 2020 — Patay ang lalaki nga nahulog sa nabara nga cargo vessel sa Isla Gigantes sa Carles kahapon.

Ginkilala ang napatay kay Ronel Milado, 29 anyos sang Angeles City, Pampanga.

Suno kay Roberto Compuesto, gin-hire sila sang biktima upod ang siyam ka iban pa agud nga palutawon ang barko.

Mga las-tres kahapon sang hapon, Abril 13, nakibot sila sang nabatian nga may naglagapok sa sulod sang barko kag naabtan nga nahulog si Milado.

Madasig nga gindala sa Balasan Districto Hospital si Milado pero gindeklarar nga dead-on-arrival.