‘I-lockdown ko ang ina nga barangay’ — Mayor Jerry Treñas sa mga nagahiwat sang beauty pageant, pa-uwak sa barangay

By: JoMaque | Abril 15, 2020

Iloilo City — Nagpaandam si Mayor Jerry Treñas nga ipa-lockdown ang barangay nga mahibaluan nga may nagahiwat sang beauty pageant, pauwak ukon ano pa nga aktibidad nga ginatipunan sang madamo nga tawo.

Kasunod ini sang reklamo nga nabaton sang Aksyon Radyo Iloilo nga may naghiwat sang beauty pageant sa Barangay Taft North, Mandurriao bisan may ginapatuman nga
enhanced community quarantine.

Ginpasiguro sang alkalde nga i-lockdown tubtub sa Abril 30 ang barangay nga wala nagasunod sa guidelines sang ECQ.

Nagpaandam man siya sa mga barangay officials nga pasakaan sang kaso kun ma-verify nga nagahimo sang mga aktibidad nga nagasupak sa ECQ guidelines.