St. Therese Hospital, gamiton sang Iloilo City government nga isolation facility para sa may mild symptoms sang COVID-19

By: Aine Grace Bravo | via Brian Valle

ILOILO CITY, April 16, 2020 — Pagagamiton sang Iloilo City Government ang St. Therese hospital nga isolation facility para sa mga may mild symptoms sang COVID-19.

Suno kay Iloilo City Mayor Jerry Treñas, libre ang paggamit sang facilities sang St. Therese Hospital kag elektrisidad lang kag tubig ang kinahanglan bayaran.

Magapirma ang Iloilo City Government sang memorandum of agreement upod sa nasambit nga ospital.

Ginpahayag ni Mayor Treñas nga indi na kinahanglan mag-obra sang division bangud may yara na sang mga kwarto kag banyo ang ospital.

May yara man sang mga katre kag kinahanglan na lang sang beddings kag ulunan.