COVID-19 Update: Western Visayas, may 53 cases na –DOH

By: Aine Grace Bravo | via DOH

ILOILO CITY, April 21, 2020 — Nagsaka sa 53 ang kumpirmado nga COVID-19 cases sa Western Visayas.

Suno kay Dr. Renilyn Reyes, head sang Public Health Program Development Cluster sa DOH 6, pinaka-ulihi nga nagdugang sa ila data ang 42-anyos nga lalaki halin sa La Castellana, Negros Occidental.

Sa 241 laboratory results nga gin-release kahapon, Abril 20, isa ang nagpositibo.

Wala sang sintomas si WV53 nga naga-quarantine sa facility sa ila banwa.

Siya ang close contact nanday WV37 kag WV38, ang mag-asawa sa Pavia nga nagpositibo man sa COVID-19.

Suno sa Provincial Government of Negros Occidental, driver si WV53 nanday WV37 kag WV38 nga taga-Pavia, Iloilo.

Marso 6 ang pinaka-ulihi nga exposure ni WV53 kanday WV37 kag WV38.

Marso 15 siya nagpuli sa Negros Occidental kag Marso 16 na siya naka-abot sa La Castellana.

Una nga nag-negatibo sa Rapid Antibody test si WV53 apang nagpositibo sa RT PCR test.

Negatibo sa RT-PCR test ang asawa ni WV53 kag ang ila.