Curfew violators sa Iloilo City, naga-dyutay — ICPO spokesperson Sangrines

By: JoMaque | Abril 21, 2020

Iloilo City — Nagadyutay na ang mga nagalapas sa curfew nga ginapatuman may kaangtanan sa enhanced community quarantine bangud sa COVID-19.

Nagapasalamat si Iloilo City Police Office Spokesperson PCPT Shella Mae Sangrines nga may mehora ang mga rekoreda nila kag bisan sang mga katapo sang media agud mapa-athagan ang mga tawo nga magtenir sa ila balay bilang isa sa mga tikang nga malikawan ang COVID-19.

Anum lang suno kay Sangrines ang curfew violators sa syudad sang Dominggo, Abril 19.

Base sa record sang Police Regional Office 6 tubtob kaina sang kaagahon, Abril 20, nagapangatlo ang Iloilo City sa may pinakamadamo nga curfew violators sa rehiyon nga nagalab-ut sa 1,258. Nagapanguna sa listahan ang Bacolod City nga may 1,888 violators.