Iloilo Province, magapatuman sang lockdown ‘transition plan’

By: JoMaque l April 24, 2020

Plano ni Governor Arthur Defensor nga magpatuman sang lockdown transition plan sa tiun nga magtapos ang enhanced community quarantine sa Abril 30.

Natalana magpagguwa sang executive order ang gobernador subong nga semana nga maga-unod sang transition plan ukon ang modified ECQ halin Mayo 1 tubtob 15.

Ikunsiderar sa modified ECQ ang “revival” sang ekonomiya.

Ginakilala sang gobernador nga may epekto sa ekonomiya sang probinsiya ang ECQ.

“Our basis now is the economy. We have seen the figures (on the loss). We will implement available quarantine measures while sustaining the economy,” suno sa gobernador.

Sa idalum sang modified lockdown, buksan ang mga establishmento luwas lang sa mga wala naga-promote sang social distancing.

“Before, the general rule is that all establishments must be closed except those offering food and basic necessities. We will change the regime so that the economy will run,” dugang sang gobernador.

Buhiun man ang public transportation pero dapat nga may physical distancing.

May nga provisions man sa idalum sang EO 102 nga ipabilin pareho sang travel restrictions, implementation sang checkpoints, kag paggamit sang quarantine pass.

Ang modified ECQ magahatag man sa probinsiya sang nagakaigo nga tiun para sa proactive testing sang mga suspected COVID-19 patients.

Natalana makigkita ang gobernador sa mga alkalde sa probinsiya buwas agud istoryahan ang transition plan.