Western Visayas, may 3 new cases sang COVID-19 –DOH 6

By: Aine Grace Bravo | via DOH 6

ILOILO CITY, April 24, 2020 — Tatlo ang nadugang sa pinaka-ulihi nga data sang Department of Health 6–duha halin sa Negros Occidental kag isa halin sa Lambunao, Iloilo.

Ang tatlo ka bag-o nga kaso amo sanday:
WV 56: 38 anyos nga lalaki halin sa Silay City, Neg. Occ. (facility quarantined);
WV 57: 50 anyos nga lalaki halin sa Candoni, Neg. Occ. (facility quarantined);
WV 58: 33 anyos nga babaye halin sa Lambunao (naka-home quarantine)

192 ka specimen ang gin-test kag nagguwa ang resulta kahapon.

14 na ang naka-recover sa rehiyon kag walo ang patay.

Ang tatlo ka bag-o nga naka-recover amo sanday:
WV 17: 44 anyos nga lalaki halin sa Jaro, Iloilo City
WV 24: 66 anyos nga babaye halin sa Kalibo, Aklan
WV 32: 40 anyos nga lalaki halin sa Kalibo, Aklan