Western Visayas, may isa ka bag-o nga COVID-19 case

By: Aine Grace Bravo | via DOH 6

ILOILO CITY, April 28, 2020 — Isa ka bag-o nga kaso sang COVID-19 ang nadugang sa listahan sa Western Visayas subong nga adlaw.

Suno sa Department of Health 6, halin sa Jaro, Iloilo City ang bag-o nga kaso.

Babaye nga 28-anyos ang pasyente kag naka-quarantine na.

Kagab-i, Abril 27, ginkumpirmar ni Iloilo City Mayor Jerry Treñas nga may ICER personnel nga nag-positibo sa virus.

Sa kabug-usan, 63 na ang kaso sang COVID-19 sa rehiyon 6 nga may 24 recoveries kag 9 ka napatay.