Mga nagaisahanon nga nagapangabuhi, indi qualified nga makabaton sang ayuda halin sa DSWD

By: JoMaque | Abril 29, 2020

Iloilo City — Indi qualified nga makabaton sang Social Amelioration Program ukon SAP subsidy halin sa Department of Social Welfare and Development ang mga isahanon nga nagapangabuhi.

Ini suno kay DSWD 6 Dir. Ma. Evelyn Macapobre sa ila press briefing subong nga hapon.

Suno kay Dir. Macapobre, ang SAP para lang sa pamilya nga wala sang kita bangud sang Enhanced Community Quarantine kag wala man sang savings para ibakal sang ila kinahanglanon.

May mga programa man ang mga Local Government Units suno sa opisyal nga mahimo makabulig sa mga isahanon nga nagapangabuhi kasubong sang mga balo.

Base sa Joint Memo Circular Number 1 sang DSWD, DILG, DBM, DOLE, DA, DBM, kag DOF, ang mga target beneficiaries sang SAP amo ang mga pamilya nga pigado ukon kabahin sang informal sector nga nadulaan sang trabaho bangud sang ECQ.