Pulis nga taga-Iloilo apang na-assign sa Manila, nagpositibo sa COVID-19

By: JoMaque | May 6, 2020

Iloilo — Nagpositibo sa COVID-19 ang pulis nga taga-iloilo apang na-assign sa Manila.

Ini ang ginkumpirmar ni Lt. Col. Gilbert Gorero, Acting Chief sang Regional Plans and Strategy Management Division sa Police Regional Office 6.

Una na gin-post sang Philippine National Police sa ila official Facebook Page nga may 43-anyos nga lalaki nga pulis nga taga-Iloilo nga nagpositibo sa COVID-19.

Suno kay Gorero, ginakuha pa niya ang dugang nga impormasyon natuhoy sa COVID-19 patient nga pulis.

Gina-quarantine sa pasilidad sa Camp Crame ang Ilonggo police officer nga nagpositibo.

Ginakuhaan pa sang Aksyon Radyo Iloilo sang dugang nga detayle ang Department of Health 6 natuhoy sini.