Pulis, missing sang nag-capsize ang motorbanca sa Antique

By: Aine Grace Bravo | via Culasi MPS

ANTIQUE, May 8, 2020 — Gin-report nga missing ang pulis kasunod sang nag-capsize sang motorbanca sa kadagatan sakop sang Caluya, Antique kahapon sang aga.

Pakadto sa Sibolo Island ang M/B Habana sakay ang tatlo ka pulis kag duha ka katapo sang Philippine Coast Guard sang nag-capsize.

Suno sa Caluya police, halin sa Poblacion ang motorbanca kag nagserbe nga escort kay Mayor Rigil Lim nga ma-deliver sang relief goods sa coastal barangays sang Caluya.

Gilayon nga naghimo sang search operation kag na-rescue ang apat ka sakay samtang missing naman ang isa pa ka pulis.