Kuhaan sang litrato kag ipadala sa Pulis ICPO Serbisyo Publiko FB page ang makita nga naga-jogging sa siyudad –ICPO spokesperson Shella Mae Sangrines

By: JoMaque | May 9, 2020

Nagpanawagan ang Iloilo City Police Office sa publiko nga kuhaan sang litrato ang makita nga naga-jogging sa siyudad.

Suno kay ICPO spokesperson Shella Mae Sangrines, ipadala lang sa ila Facebook page nga Pulis ICPO Serbisyo Publiko ang pictures nga makuha kag butangan sang detalye kun sa diin nga lugar.

Ma-deploy sang police ang ICPO para mabantayan kag masaway ang mga naga-jogging sa amo nga lugar.

Naga-conduct naman sang random checkpoint ang ICPO sa mga salakyan sa siyudad sang Iloilo.

Ini kasunod sang mandu ni Mayor Jerry Treñas nga pangdakpon ang mga makita nga nagaguwa sa ila nga balay nga wala sang dala nga quarantine pass.

Ginadala sa malapit nga police station ang madakpan nga wala sang dala nga quarantine pass.

Nakadepende sa violation sang madakpan ang pag-detain sa ila suno kay Sangrines.

Magluwas sa pag-check sang quarantine pass, hugot man nga ginabantayan sang mga pulis ang wala sang suksok nga face mask sa pampubliko nga lugar.