11 mayors sa Western Visayas, padal-an sang show cause order –DILG Secretary

By: JoMaque | May 15, 2020

Padal-an ang 11 ka mayors sa Western Visayas sang show cause order sang Department of the Interior and Local Government sa gina-alegar nga mahinay nga pagpanagtag sang cash subsidy sang Social Amelioration Program.

Sa kabug-usan, may 43 ka mga mayors ang padal-an sang show cause order sang DILG.

11 halin sa Western Visayas; walo sa MIMAROPA; lima sa Central Visayas; apat sa Davao Region kag National Capital Region; duha sa Ilocos Region; kag Cagayan Valley, CALABARZON, Eastern Visayas, Northern Mindanao, kag isa sa Central Luzon.

“Maglalabas na tayo ng show cause order sa mga naiiwang 43 mayors nationwide dahil sa bagal ng pagbibigay ng ayuda sa kani-kanilang mga constituents,” pahayag ni Interior Secretary Eduardo Año.

Dugang ni Año, 3% family beneficiaries ang wala pa nakabaton sang SAP as of May 13, 2020.

18 million low-income families ang target nga mahatagan sang cash subsidies nga naga-range sa P5,000 tubtob P8,000 base sa mando sang Bayanihan to Heal as One Act (Republic Act 11469).

Kinahanglan nga mag-explain ang 43 ka mayors kun nga “poor performance” sila bisan pa nga makaduha ka beses nga gin-extend ang SAP subsidy distribution.