23 million low income families sa GCQ, ECQ areas, luyag ni Pres. Duterte makabaton sang 2nd tranche sang cash aid — Pres’l spokesperson Harry Roque

By: JoMaque | May 15, 2020

Luyag ni Presidente Rodrigo Duterte nga pangitaan sang pondo ang 23 million ka mga low income families agud mahatagan sila sang 2nd tranche sang cash subsidy.

Sa interview sang DzMM, ginpahayag ni Roque nga may instruction ang presidente sa DBM nga i-identify ang mga pondo nga puwede ma-realign.

Nangayo man siya sang bulig sa kongreso nga mangita sang paagi agud mahatagan sang assistance ang 23 ka milyon ka pamilya.

Nahinambit man suno sa iya sang pangulo nga posible magbaligya ang gobyerno sang assets agud mapondohan ang financial assistance program.

Una na gin-anunsiyar ni Roque nga ang hatagan na lang sang 2nd tranche sang subsidy amo ang mga yara sa ECQ.

“Kung itutuloy po yung kagustuhan ni Presidente na lahat ay bigyan ng ayuda, ibig sabihin ang kakailanganin po natin talaga ay P257.7 billion. So clearly, we are P51 billion short kung lahat po sila ay bibigyan ng ayuda,” suno kay Roque.–with reports from Inquirer.net