Indi magnubo sa 63 ka mga balay, nasunog sa Ortiz, City Proper

By: JoMaque | May 15, 2020

Nagsugod ang sunog pasado las dos kaina sang kaagahon kag gindeklarar nga “under control” las 3:55 sang kaagahon.

Ginpahayag naghalin ang kalayo sa balay sang maestro nga wala sang tawo bangud nga nagpauli sa Guimaras.

Gina-imbestigaran sang Bureau of Fire Protection ang ginhalinan kag kahalitan sang sunog.

Temporaryo nga ginpatenir sa UI PHINMA ang mga nasunugan kag ginhatagan sang bulig sang Iloilo City Government.