Nabilin nga 2 COVID-19 positive sa Lambunao, naka-recover na

By: JoMaque | May 15, 2020

Iloilo — Ginkalipay sang local government unit sang Lambunao ang report sang Department of Health 6 nga naka-recover na ang nabilin nga duha ka COVID-19 positive sa banwa.

Gindul-ong ni Municipal Health Officer Dr. Ma. Mercedes Ballarta ang negative test results sa pamilya sang mga natungdan. Gin-welcome man sang LGU ang mga naka-recover sa ila integration sa komunidad.

Ang Lambunao ang may pito ka COVID-19 cases, anum ang naka-recover kag isa ang napatay.

Ginpabutyag sang LGU nga nangin madinalag-on ang ila pag-contain sa mga positive cases gani wala na nagdamo ang kaso sang COVID-19.