Wala pa sang religious activities – Father Colada, spokesperson sang Archdiocese of Jaro, sa pagsugod sang GCQ sa Iloilo

By: JoMaque | May 16, 2020

Wala pa sang mga religious activities nga himuon bisan nga i-paidalum na sa General Community Quarantine ang Iloilo City kag Iloilo Province sugod buwas, Mayo 16.

Suno kay Father Angelo Colada, spokesperson sang Archdiocese of Jaro, wala pa ginapahanugutan nga mag-attend sang misa ang mga sumilimba.

Ginhingyo ni Colada ang mga tawo nga sa ila na lang balay mag-“attend” sang misa paagi sa radyo kag online streaming.

Pasugtan naman ang kasal kag bunyag kag misa para sa lubong sa simbahan, apang may mga protocol nga dapat sundon.

Ginpahayag man ni Father Colada nga ginapreparar na nila ang mga simbahan para sa liwat nga pagbukas kun matapos na ang GCQ.

May mga personnel sila nga gina-train kun paano magpanglimpyo kag may mga ipamutang sila nga alcohol kag sanitization area.

Indi makasulod sa simbahan ang wala sang suksok nga face mask kag dapat magsunod sa physical distancing.