“Indi matuod nga may ‘bag-o’ nga 37-anyos nga lalaki sa Arevalo nga positibo sa COVID-19” –Mayor Treñas
By: Aine Grace Bravo
ILOILO CITY, May 19, 2020 — Ginklaro ni Iloilo City Mayor Jerry Treñas nga indi matuod ang post sa social media nga may “bag-o” nga 37-anyos nga lalaki halin sa Arevalo nga positibo sa COVID-19.
“Wala kita sang bag-o nga kaso,” base sa post sa Facebook page sang alkalde.
Ginpanugyanan niya ang publiko nga maghalong batok sa kasubong mga sala nga impormasyon, “Please be vigilant and beware of false information!”
Mayo 17 sang gin-report sang DOH 6 nga halin sa Arevalo ang 37-anyos nga nagpositibo sa COVID-19 nga amo si WV 104.
Wala sang bag-o nga kaso kahapon base sa report sang DOH6 kag karon sa hapon pa natalana maghatag sang update ang ahensiya. | via Mayor Jerry Treñas FB page