Pag-angkas sa motorsiklo sa siyudad sang Iloilo, liwat ginbawal

ILOILO CITY — Liwat ginadumilian ang pag-angkas sa motorsiklo sa Iloilo City.

Sa Executive Order No. 75-B ni Mayor Jerry Treñas nga gin-issue subong nga adlaw, Mayo 20, bawal na liwat ang angkas sa motor.

Nauna nga ginpahanugutan sang alkalde ang angkas, base sa EO 75-A bas mag-pamilya.

Nanindugan naman ang Land Transportation Office 6 nga bawal ang angkas base sa ila memorandum circular agud ma-obserbar sang physical distancing.

Kahapon, nagpadala sang sulat ang alkalde sa National IATF nga naga-apela nga pahanugutan ang mag-pamilya nga mag-angkas.