Pulis, lakip sa gindakup kasunod sang nakumpiskar nga 69 boxes sang rum sa checkpoint sa Lemery

By: Aine Grace Bravo

LEMERY, Ilo., May 21, 2020 – Dakup ang pulis, upod sa tatlo ka iban pa, sang natukiban nga may karga nga rum ang ila ginasakyan nga Toyota Hilux sa checkpoint sa Brgy. Velasco, Lemery las-2:30 kaina sang hapon.

Ginkumpirmar ini ni PCPT Edwin Belarmino, hepe sang Lemery Police Station.

Ang mga nadakpan amo kanday:

1. PSSg Joe Marc Ebon, 37 anyos sang Zerrudo, Sara;
2. Cyrus Earl Del Castillo, 38 anyos;
3. Elvin Adorable, 44 anyos sang Anoring, Sara; kag
4. Mariano Borlado, 46 anyos sang Cubay, San Dionisio.

Suno kay PCPT Belarmino, si PSSg Ebon ang gintudlo sang iya mga upod nga “nagpasimuno” pero ginpanginwala ini sang pulis. Ginrason ni Ebon nga nag-upod lang siya sa salakyan.

Assign si PSSg Ebon sa 2^nd Mobile platoon sang 2^nd Iloilo Provincial Mobile Force Company sa Batad.

Ginapreparar na ang kaso batuk sa mga nadakpan.

Ginpahayag ni Belarmino nga gin-turnover niya si Ebon kay PLTCOL Mario Baquiran, commander sang 2^nd IPMFC.

69 ka karton sang Tanduay Rhum 375ml ang nakita nga karga sang Hilux. | via Firingline