OWWA 6, nagpaathag sa madugay nga pag-transport sang mga repatriated OFWs sa Cebu papuli sa Iloilo

By: JoMaque | May 25, 2020

Iloilo City — Nagpa-athag ang Overseas Workers Welfare Administration 6 sa madugay nga pag-transport sa mga repatriated OFWs sa Cebu papauli sa Iloilo.

Suno kay OWWA6 OIC Director Rizza Joy Moldes, nagtransaksyon na ang Regional Inter Agency Task Force sa Central Visayas sa Trans Asia Shipping Lines, Inc. kag Cokaliong Shipping Lines apang wala sila nagpasugot sa pagbaton sa pagbyahe sa mga OFWs.

Ipalab-ot sang Western Visayas Task Force on COVID-19 sa National IATF ang amo nga concern.

Nagpasugot naman ang lain nga shipping line sa pagtransport sa mga OFWs halin sa Cebu papauli sa Negros Occidental.

Ginkonsiderar ang pagbyahe sang mga OFWs via Negros Occidental apang nagakonsulta pa ang RIATF sa mga local officials.

173 ang mga repatriated OFWs sa Cebu City suno kay Moldes.

Abril 9 sang una nga ginbyahe sakay sa vessel sang Cockaliong Shipping Lines ang 47 ka mga indibidwal, kalabanan mga OFWs, papauli sa Iloilo halin sa Cebu. Lakip sa mga nag-quarantine ang personnel sang shipping line bangud nadiskubrehan nga may pasahero nga nagpositibo sa COVID-19.

Mayo 23 sang naka-abot naman sa Iloilo ang walo ka mga OFWs halin sa Cebu paagi sa chartered flight.

Ang mga OFWs ang personal nga nagtransaksyon para makapauli kag nagbayad sila sang P9,000 kada isa.

Ginakuhaan pa sang pahayag sang Aksyon Radyo Iloilo ang nasambit nga mga kumpaniya.