Iloilo Gov. Arthur Defensor Jr., nagpagguwa sang amended EO nga nagadumili sang angkas sa motorsiklo sa probinsya bisan magpamilya

By: JoMaque | May 26, 2020

Iloilo City — Ginpirmahan ni Iloilo Governor Arthur Defensor Jr ang bag-o nga Executive Order nga naga-amenda sa una niya ginpagguwa nga EO No. 118.

Nabutang sa Section 9 (b) sang amended EO No. 118-A nga wala ginapahanugutan ang angkasanay sa motorsilklo bisan magpamilya.

Gin-amendahan sang gobernador ang EO bilang pagsunod sa Memorandum Circular sang Land Transportation Office (LTO) nga nagabawal sang angkas agud ma-obserbar ang physical distancing kag malikawan ang paglaton sang coronavirus disease.