265 botelya sang makahulubog nga ilimnon nga nakarga sa angkar-angkar, na-confiscate sang Tubungan police

By: JoMaque | May 27, 2020

Iloilo — Nadakpan ang duha ka lalaki nga nagakarga sang makahulubog nga ilimnon sa Barangay Teniente Benito, Tubungan las 3:00 subong nga hapon.

Ginkilala ang nadakpan kanday Roger Mirasol, 41-anyos, kag Roniel Alisin, 28-anyos, lunsay residente sang Zone 1, Calumpang Molo.

Suno kay Police Lieutenant Jose Rommel Samson, hepe sang Tubungan Police Station, na-recover nila ang 15 ka plastic nga container nga may unod nga 264 ka botelya sang makahulubog nga ilimnon.

Ginpahayag ni Samson nakabaton siya sang text message nga may tricycle nga may karga nga ilimnon nga pakadto sa Barangay Teniente.

Ginrasun sang duha ka nadakpan nga nagapamakal sila sang container.

Ginahibalo pa sang Tubungan Police kun sa diin dal-on ang makahulubog nga ilimnon.l Via Tubungan Police Station