Pick-up, nakuhaan sang 20 karton sang makahulubog nga ilimnon sa Sta. Barbara

By: JoMaque | May 27, 2020

Iloilo — 20 ka karton sang makahulubog nga ilimnon nga nakarga sa pick-up ang na-recover sang Sta. Barbara police sa Bangga Dama, Barangay San Sebastian las 3:20 subong nga hapon.

Gindakup ang mga sakay sang pick-up nga sanday Willsan Bruniola, 32-anyos sang Ungka 1, Pavia, kag Michael Parpaga, 25-anyos sang Ungka 2, Pavia.

Suno kay Police Major Raymund Celoso, hepe sang Sta. Barbara Police Station, sang nagligad pa nga semana sila nakabaton sang impormasyon natuhoy sa pick-up nga nagadala sang makahulubog nga ilimnon.

Nag-conduct sang on-the-spot check ang Sta. Barbara Police sa Cabugao Norte, Sta. Barbara.

Ginparahan nila ang pick-up, apang wala nagdulog rasun nga ginlagas sang ila patrol car kag naabtan sa Bangga Dama, Barangay San Sebastian.

Ginpahayag nga sa Iloilo City ginbakal ang makahulubog nga ilimnon, base sa pagpangusisa sang Sta. Barbara police sa mga nadakpan. | via Sta, Barbara Police Station