Iloilo City Government, masugod na release sang social pension sa masunod mga semana

By: JoMaque | May 29, 2020

Iloilo City—Masugod na sang releasing ang Iloilo City Government sang social pension para sa mga senior citizens nga qualified mag-avail sang social pension program sang gobyerno.

Suno kay Ms. Terry Gelogo sang CSWDO, masobra 15,000 ka mga senior citizens sa siyudad ang makakuha sang ila social pension sa Hunyo 4 ukon 5.

Dugang diri, may pending pa nga pondo para sa social pension program nga P2,510,000 para sa 2019 nga i-release sa 2,143 ka mga beneficiaries.

P39,570,000 naman ang budget para sa mga beneficiaries sang social pension sa una nga 6 ka bulan sang 2020.

P500 ang makuha sang kada senior citizen para sa nasambit nga programa.