75% sang mga PUJs sa siyudad sang iloilo, posible makabalik biyahe sa Lunes, Hunyo 1

By: JoMaque | May 30, 2020

Iloilo City — Mahimo na nga makabalik biyahe ang 75% sa mga units ng mga Public Utility Jeepneys, umpisa Lunes (Hunyo 1).

Suno kay Mr. Raymundo “Boyet” Parcon, presidente sang Iloilo City Loop Alliance of Jeepney Owners and Drivers Association (ICLAJODA), gin-grant sang Land Transportation Franchising and Regulatory Board (LTRFB) ang ila hingyo nga mahatagan sang dugang nga 50% nga car pass ang mga PUJs.

Ginahulat na lang ni Parcon ang car passes nga ihatag sang LTFRB para ma-distribute na sa mga drivers.

25% lang sang mga PUJs ang ginpahanugutan magbiyahe sa idalum sang General Community Quarantine. Preparado na ang 75% sang ila mga units nga magbiyahe sa Lunes, suno kay Parcon. | via PM Reports