No face-to-face transaction sa una nga duha ka semana sang enrollment – DepEd 6

By: JoMaque | May 30, 2020

Iloilo City–Wala sang face-to-face transaction nga matabo sa una nga duha ka semana sang enrollment suno kay DepEd 6 Spokesperson Dr. Lea Belleza.

Base ini sa ginpaguwa nga DepEd Order Number 008 series of 2020.

Mahimo suno kay Belleza nga maka-confirm sang ila enrollment ang mga ginikanan paagi sa text, call, chat, e-mail, ukon sa Viber.

Ginpahayag ni Belleza nga may early registration na nga natabo sang Pebrero tubtob Marso.

Luyag sang DepEd nga ma-validate kun madayon gid man sa pag-eskwela ang bata sa eskwelahan kun diin siya nagpa-early register rason nga gin-set sa bilog nga Hunyo ang enrollment.

Kun wala sang access sa internet ang mga ginikanan, pwede sila nga makatawag ukon maka-text sa hotline nga i-provide sang mga eskwelahan.

May i-set up man nga booth sa eskwelahan kun diin pwede makuha ang requirement sa enrollment kun indi maka-confirm ang ginikanan paagi sa online ukon sa hotline.

Apang gin-athag ni Belleza nga mangin-available lang ini sa ikatatlo nga semena sang enrollment.