2 repatriated OFWs sa Western Visayas, nagdugang sa nagpositibo sa COVID-19

By: Aine Grace Bravo

ILOILO CITY, June 3, 2020 — Duha ka bag-o nga kaso sang COVID-19 ang gin-report sang DOH 6 subong adlaw.

Ang duha ka bag-o nga nagpositibo ang lunsay repatriated OFWs:

*WV 116: 38-anyos nga lalaki, taga-Bacolod City, asymptomatic kag naka-facility quarantine; kag
*WV 117: 33-anyos nga babaye, taga-Janiuay, Iloilo, asymptomatic kag naka-facility quarantine

Nag-abot sa Bacolod City si WV 116 sang May 18, samtang May 28 naman nag-abot sa Iloilo si WV 117.

Suno kay DOH 6 Epidemiologist Dr. Jessie Glen Alonsabe, una na nga nagnegatibo ang RT-PCR test sang duha antes sila ginpasugtan nga makapauli sa Western Visayas. Sa ila pag-abot sa rehiyon, liwat sila ginpa-idalum sa RT-PCR test kag nagguwa ang resulta subong nga adlaw nga positibo.

Gin-athag man ni Alonsabe nga gindiretso ang repatriated OFWs sa quarantine facility sa ila pag-abot sa rehiyon. | via DOH 6