Pagpanagtag sang social pension sa mga beneficiaries sang siyudad sang Iloilo, nagsugod subong, Hunyo 5

By: JoMaque | June 5, 2020

Iloilo City — Nagsugod na sa pagpanagtag ang Iloilo City Social Welfare and Development Office sang social pension sa mga beneficiaries sang siyudad.

Suno kay Ms. Terry Gelogo sang CSWDO, 1,580 ka beneficiaries sa distrito sang Mandurriao ang makakuha sang ila social pension subong nga aga.

Dugang diri, 2,500 naman ka beneficiaries sa distrito sang Molo ang natalana makabaton sang ila social pension karon sa hapon.

P3,000 ang makuha sang mga beneficiaries para sa ila social pension sa bulan sang Enero tubtob Hunyo.

Samtang, makuha man sang mga beneficiaries ang P6,000 nga ila social pension nga wala nila makuha sang nagligad nga tuig.