2 bag-o nga kaso sang COVID-19, nadugang sa Western Visayas — DOH 6

By: JoMaque | June 8, 2020

Iloilo City – Duha ka bag-o nga kaso sang coronavirus disease (COVID-19) ang nadugang sa Western Visayas kahapon, June 7.

Suno sa Department of Health (DOH) 6, lunsay repatriated OFWs ang bag-o nga mga kaso.

Ini amo sanday:

*WV Patient 124 – 40-anyos nga lalaki nga taga- San Joaquin, Iloilo

*WV Patient 125 – 28-anyos nga lalaki nga taga- Lezo, Aklan.

Naka-facility quarantine ang duha ka mga pasyente.

Bangud sini, nagsaka sa 125 ang kabug-usan nga kaso sang COVID-19 sa Rehiyon 6 nga ginabug-usan sang 26 active cases, 88 ka naka-recover kag 11 ka napatay.