11 lakip ang 2 kapitan kag 7 city hall employees nga nadakpan naga-inum inom sa Iloilo Terminal Market samtang ginapatuman ang GCQ sa siyudad, napasakaan na sang kaso

By: JoMaque | June 9, 2020

ILOILO CITY – Napasakaan na sang kaso sang ICPO ang 11 lakip na ang duha ka punong barangay kag pito ka regular employees sang Iloilo City Hall nga nadakpan nga naga-inum inom sa Iloilo Terminal Market bisan may liquor ban.

Napasakaan sang kaso kriminal nga resistance and disobedience to a person in authority or agents of a person in authority in relation to EO 75 sanday:

1. Kauswagan, City Proper Punong Barangay Woody Delariarte;

2. Rizal Pala-Pala 1, City Proper Punong Barangay Alain Rey Depatillo;

3. Noel Capalla sang Local Economic Enterprise Office;

4. Rigor Porras sang Local Economic Enterprise Office;

5. Martie Mattias sang General Services Office;

6. Roel Villarimo sang General Services Office;

7. Ricardo Seguttier sang General Services Office;

8. Jose Alexis Rojo sang General Services Office;

9. Melchor Manuel Blancaflor sang General Services;

10.Ma. Paz Domingo, tag-iya sang kiosko; kag

11. Marti Bergantinos

Suno kay Police Major Francisco Paguia sang ICPO, ginpasaka ang kaso sang Hunyo 1.

Base sa EO, ginadumilian ang pag-inom sang makahulubog nga ilimnon sa pampubliko nga lugar.

Samtang, padayon gihapon ang imbestigasyon sang City Legal Office sa mga regular nga empleyado kag sa punong barangay.

Base sa HRMO, active sa gihapon ang mga empleyado sa ila duty.