WVMC-SNL, may masobra 1,000 ka mga backlogs sa COVID-19 tests

By: JoMaque | June 10, 2020

Iloilo City — May masobra 1,000 ka mga backlogs sa COVID-19 tests ang Western Visayas Medical Center-Sub National Laboratory.

Suno kay Dr. Stephanie Abello, head sang WVMC-SNL, samtang gina-process nila kahapon ang 700 ka mga backlogs sa COVID-19 test, may nag-abot nga dugang nga 900 ka swabs.

Ginpahayag ni Abello nga isa sa mga factors sa backlog, ang skill sang medical technician sa kadamuon sang mga swab nga ma-process nila sa isa ka adlaw.

Dugang diri, kun madasig ang mga medical technicians, posible 800 ka swabs ang ma-process sa sulod sang 24-oras apang kun mahinay, 500 ang maximum.

Ginpahayag ni Abello nga wala sang epekto sa accuracy sang result kun indi ma-test gilayon ang mga swabs.