OFWs, LSIs pa lang ang akomodaron kun magbalik na ang commercial flights sa Iloilo Airport – Gov. Defensor

By: JoMaque | June 11, 2020

ILOILO – May tentative schedule na sa pag-resume sang commercial flights sa Iloilo Airport.

Suno kay Iloilo Gov. Arthur Defensor, Jr., posible maga-resume ang commercial flights sa Hunyo 15 ukon Hunyo 16.

Pero sa scenario nga gina-antisipar sang gobernador, mga repatriated OFWs kag locally stranded individuals ukon mga Ilonggos nga na-stranded sa iban nga rehiyon nga mapauli ang iga-cater sa flights. Wala pa ginalauman sang gobernador ang pagbiyahe sang mga indi taga-Iloilo agud magpanglugayawan.

Nagapreparar naman suno kay Defensor ang Provincial Quarantine Team nga maga-station sa mga ports of entry pareho sang Iloilo Airport.

Ang Quarantine Team ang magabaton sang mga maabot nga Ilonggos agud maproseso ang ila kinahanglan nga mga dokumento, mag-monitor sang ila health kag magbaton sang health declaration card. | via Firingline